O baloncesto nace como unha solución á necesidade de realizar algúns deportes durante o inverno, na escola da YMCA (Young Men's Christian Association) de Springfield, Massachusetts. James Naismith, un profesor de educación física na escola, deseñou o baloncesto como un xogo de pelotas baseado en trece regras. O xogo estendeuse por Estados Unidos, Canadá e o resto do mundo, experimentando algunhas modificacións ao longo do tempo. Moitas das regras iniciais mantéñense ata o presente, aínda que algúns aspectos do xogo tiveron que ser modificados para responder aos avances na técnica dos xogadores e aspectos non previstos no desenvolvemento do xogo, normalmente como consecuencia da manipulación das regras polos adestradores e xogadores para inclinar os partidos.
